Cili mendoni se është problemi më i madh i Bashkisë së Poliçanit dhe çfarë hapash do të ndërmerrni për ta zgjidhur këtë problem gjatë mandatit tuaj?
Unë mendoj se Shqipëria është një vend i vogël, por me problematika të mëdha. Sikurse është edhe Bashkia e Poliçanit . Një nga problemet që ka Poliçani është se mungon një njësi administrative në shërbim të qytetarëve. Pra, krijimi i një njësie administrative në shërbim të qytetarëve është një ndër hapat kryesore që do të ndërmarr. Sigurisht, këtu e fjalën për ndërtimin e një sistemi jo vetëm administrativ që të funksionojë teorikisht si një bashki, por në radhë të parë të jetë një qeverisje e vetë qytetareve në bazë të meritës së tyre, duke u dhënë prioritet, aftësive dhe punësimit të tyre. Dua të theksoj se krijimi i kësaj njësie administrative lidhet edhe një nga sfidat që unë e konsideroj si një nga hapat e para që do të ndërmerren nga ana ime si kryebashkiak, dhe kjo ka lidhje me largësinë rrugore me komunën e Terpanit. Pra, për Bashkinë e re të Poliçanit, do të këtë një njësi administrative edhe për banorët e Terpanit, duke marrë parasysh edhe terrenin e thyer malor dhe problemet me dëborën që ka gjatë dimrit.
Cilat janë ndërhyrjet që ju planifikoni të ndërmerrni brenda vitit të parë të mandatit tuaj për përmirësimin e infrastrukturës rrugore, godina arsimore apo shëndetësore në bashkinë e Poliçanit?
Për të qenë sa më funksionale si Bashki, Poliçani duhet të afrojë më shumë fshatrat përreth me qytetin. Pra, Infrastruktura rrugore është instrumenti i duhur për të depërtuar në këto fshatra dhe për t’ju shërbyer atyre. Unë mendoj se njerëzit nga politika nuk kërkojnë shumë, sepse duke kërkuar shumë ata kuptojnë që mund mos i marrin dhe presin ato që duan. Por duke qenë më afër tyre në gjërat e vogla dhe jetësore, ato do krijojnë besimin që Bashkia e Poliçanit, së pari dëshiron të jëtë në shërbim të çdo banori, kudo qoftë ai. Pra, rrugët e prishura do të rikonstruktohet, do të ndërhyhet në çdo shkollë dhe kopsht me problematike, duke ndërhyrë për të plotësuar kushtet bazë dhe të nevojshme për zhvillimin e orëve të mësimit apo edukimit të tyre në kopshte. Si një profesor, me eksperiencë të gjatë në arsim, mendoj se askush më shumë sesa një kandidat dhe nesër një kryetar bashkie do
të dije të adresojë dhe të kurojë çdo problem në arsimimin dhe edukimin e fëmijëve dhe nxënësve. Ndaj, dua të theksoj se për çdo fshat do të merren masat që askush nga fëmijët të mungojë në marjen e dijeve për ta.
A keni një listë kriteresh për emërimin dhe shkarkimin e administratorëve të njësive administrative të bashkisë Poliçan dhe cilat janë ato?
Parimi im në jetë është puna aftësia dhe dinjiteti. Lejomëni, t’ju theksoj se të gjitha emërimet në bashkinë e Poliçanit do të ketë si bazë meritën dhe aftësinë. Ndërsa shkarkimet do të shkojnë në një drejtim me çdo vërejte apo shkelje që i bëhet ligjit. Nuk tolerohet asnjë abuzim me ligjin, duke filluar nga gjërat më të vogla dhe ndofta më pak të rëndësishme e duke përfunduar në ato më të mëdhatë.
Cilët mekanizma do të ndërtoni në mënyrë që të siguroni pjesëmarrjen dhe konsultimin me qytetarët (sidomos atyre të zonave rurale) në procesin e vendimmarrjes së bashkisë? Bashkia e Poliçanit do të jetë një derë e hapur për çdo problem, të çdo qytetari, por sidomos të banorëve në zonat rurale. Unë besoj se suksesi fillon nga A-ja dhe për mua kjo punë nis nga fshati, duke zgjidhur çdo problem të tyrin, në emër të detyrës morale dhe ligjore që do më jepet në rast se un behëm kryetar bashkie. Në bazë të ndryshimeve në kodin zgjedhor, tanimë në këshillin bashkiak do të jenë të përfaqësuar 50 % gra. Ndërkaq, çdo problem i tyre do adresohet në bashki, në sajë të strukturave që do të ndërtohen në çdo fshat, për tju ardhur në ndihmë banoreve.
Cilët janë hapat konkretë që do të ndërmerrni lidhur me nxitjen e turizmit malor dhe ekoturizmit të qendrueshëm në këtë bashki gjatë këtij mandati?
Qyteti i Poliçanit vuan nga mungesa e jetës sociale nuk ka liri as jetë sociale jeta është monotone ecën si një cikël dhe përsëritet çdo ditë i njëjti proces, duhen ambiente tërheqëse për turistët kjo zonë ka shumë kisha, kala të vjetra si ajo e Tomorrit e Peshtanit e Vojakut e Rehovës, etje të tëra do ti nënshtrohen një projekti për restaurim që të thithin sa më shumë turistë. Problem tjetër është aktualisht furnizimi me ujë për shkak të vjetërsimit të rrjetit të shpërndarjes, pavarësisht se burimet ujore të zonës janë të pafundme. Bazuar në këto resurse, si kryetar bashkie do të hartoj politika nxitëse për ngritjen e ndërmarrjeve për shfrytëzimin dhe paketimin e ujit, çka do të mundësonte dhe hapjen e vendeve të reja të punës për banorët e zonës.
Çfarë hapash do të ndërmerrni gjatë vitit të parë të mandatit tuaj lidhur me menaxhimin e mbetjeve urbane në të gjithë bashkinë?
Do të krijohet një landfill në një zonë të caktuar që mbetjet urbane mos të hidhen më në përrenj dhe lumin e Osumit. Çdo mbetje do të grumbullohet në çdo fshat, do të ketë punonjës që do të pastrojnë ambientin. Prioritet do kenë zonat malore dhe parqet kombëtare si zona e Tomorrit dhe Parku i Ballollit .
Cilët hapa konkretë do të ndërmerrni gjatë këtij mandati për mbrojtjen dhe rigjenerimin e pyjeve dhe zonave të mbrojtura të bashkisë së re?
Bashkia e Poliçanit do të mbrojë parkun kombëtar të Tomorit nga prerjet e paligjshme të pyjeve si dhe do të duhet të kujdeset për infrastrukturën e komunës Tërpan, e cila shpesh gjatë dimrit bllokohet nga dëbora. Rrugët parësore do të jenë në rikonstruksion si rruga e fshatit Kapinovë, Ura e Drenovës, Rruga e Peshtanit dhe e fshatit Lybeshë, rruga nga fshati Karkanjos deri në Tomorr të Madh dhe të Vogël, rruga që lidh Tërpanin me Poliçanin deri në Rehovë do të rikostruktohet dhe rruga e Parkut Kombëtar të Ballollit që të thithi sa më shumë turistë në zonën e Terpanit. Do të pengohet prerja e pyjeve sidomos në komunën Tërpan dhe Vërtop dhe do të mbillen pisha në çdo rrugë malore.