Katër kandidatë konkurrojnë për postin e Bashkisë së re Himarë. Dionisios – Fredis Beleris konkurron për Partinë Bashkimi për të Drejtat e Njeriut me Lefteri Priftin, një ekonomiste që konkurron në emër të Partisë Demokratike, Jorgo Goron, ish – ushtarak, aktualisht kryetar i bashkisë Himarë për Partinë Socialiste dhe Vladimir Kumin, kryetar aktual i komunës Lukovë, i cili kandidon si i pavarur.

Pas një procesi të gjatë dhe intervistimit të shumë qytetarëve dhe aktivistëve të shoqërisë civile, BIRN identifikoi shqetësimet kryesore të popullsisë së bashkisë së re Himarë dhe ia shtroi këto pyetje tre kandidatëve. Kandidati i pavarur nuk u arrit të intervistohej.

Kryetari aktual i bashkisë Himarë dhe kandidati i Partisë Socialiste për bashkinë e re premton vijimin e punëve të mandatit aktual, kësaj here në territorin e një bashkie më të madhe.

Kandidati i Partisë Bashkimi për të Drejtat e Njeriut për bashkinë e re Himarë konsideron si urgjente rindërtimin e shkollës së mesme si dhe premton transport publik falas mes fshatrave.

Kandidatja e Partisë Demokratike për bashkinë e re Himarë premton certifikimin e pronave dhe leje ndërtimi të rregullta për investime të sigurta. Ajo premton gjithashtu se do të favorizojë banorët në dhënien e plazheve për shfrytëzim në krahasim me bizneset.

Dritan Leli, mjek, Doktor i Shkencave, konkurron për postin e kryetarit të Bashkisë Vlorë në emër të Partisë Socialiste me Genc Deromemaj, inxhinjer dhe jurist me eksperiencë pune në industrinë e ndërtimit, i cili konkurron për Partinë Demokratike dhe me Vasil Bedinajn, i diplomuar për drejtësi dhe biznesmen me eksperiencë të gjatë në sektorin e turizmit.

Pas një procesi të gjatë dhe intervistimit të shumë qytetarëve dhe aktivistëve të shoqërisë civile, BIRN identifikoi shqetësimet kryesore të popullsisë së bashkisë së re Vlorëdhe ia shtroi këto pyetje të tre kandidatëve. Kandidati Dritan Leli refuzoi kërkesat e përsëritura të BIRN për t’u intervistuar. Përgjigjet e dy kandidatëve të tjerë mund t’i gjeni këtu.

Kandidati i pavarur për Bashkinë e Vlorës thotë se ofron menaxhim efikas të taksave të qytetit për shërbimet publike bazë si furnizim me ujë të pijshëm, kanalizime dhe transport për nxënësit e shkollave.

Kandidati i Partisë Demokratike për Bashkinë Vlorë premton administratë jopartiake, linjë transporti turistike me Sazanin, Karaburunin dhe Orikumin si dhe punësimin e intelektualëve për të shmangur largimin e mëtejshëm të njerëzve të kulturuar nga ky qytet.

Miniera e bitumit në Selenicë punëson një pjesë të mirë të banorëve të zonës, por përballë bashkisë së re shtrohet sfida e pastrimit të burimeve të shterura të naftës në Vllahinë.

Bashkia e re e Vlorës shtrihet mes tre qendrave të rëndësishme të turizmit detar, por betonizimi i viteve të fundit dhe degradimi i shërbimeve publike kanë frenuar zhvillimin e qëndrueshëm të zonës.